Transcription
1
Monsieur de Gordes, despuis que je suis en ceste court, jay receu plusieurs lettres
2
de vous, à chacune desquelles, encores que particulierement je ne rende responce, je
3
vous prye ne laisser pour cela continuer à me tenir adverty de tout ce qui ce
4
passe en mon gouvernement. Jay faict, suivant ce que mescripviez, tant de
5
remonstrances au roy, la pauvreté de tout le peuple de Daulphiné, qui ne
6
pouvoit, estant la province petite, longuement supporter les fraiz de si
7
grand nombre de gens de pié et de cheval, que maintenant, comme lon ma
8
asseuré, vous et ledit peuple en estes delivrez, mesmes desdits gentz de pied. Je
9
fais es prochains jours acheminer ma compaignie ordonnée pour faire monstre
10
en Daulphiné. Je vous prye estre gracieux envers icelle en ce que vous pourrez.
11
Et sur ce, je pryeray Dieu vous donner, monsieur de Gordes, en santé ce que
12
plus desirez. De Paris, ce dernier jour de juillet 1572
13
Vostre bien bon et affectionné
14
amy
15
François de Bourbon
16